“Heç bir ölkə problemlərdən sığortalanmayıb”
10 Noyabr 2012 13:24 (UTC+04:00)
Dunya Miyatoviç: "Jurnalistlərin vəzifəsi özlərini
media nümayəndəsi kimi təqdim etməkdir, tədbirin iştirakçısına
çevrilmək deyil"
"ATƏT-ə üzv olan bir çox ölkədə bu mövzuda tədbirlər keçirilir.
İstənilən tədbir zamanı polislər və jurnalistlərin yüksək səviyyədə
əməkdaşlığı olmalıdır".
APA-nın məlumatına görə, bu fikirləri ATƏT-in media azadlığı üzrə
nümayəndəsi Dünya Miyatoviç "İctimai nümayişlər zamanı
jurnalistlərin təhlükəsizliyi" mövzusunda seminarda bildirib.
O qeyd edib ki, belə seminarlar Azərbaycan tərəfinin istəyi ilə
həyata keçirilir: "Belə tədbirlərin davamlı olması vacibdir.
ATƏT-in media azadlığı üzrə nümayəndəliyi tövsiyələr gözləyir. Bu
həmçinin bir praktiki mərhələdir, çünki jurnalistlərin qarşılaşdığı
problemlər müxtəlif ola bilər. Heç bir ölkə problemlərdən
sığortalanmayıb, biz problemləri araşdırmalıyıq. Məlumat
mənbələrinə çıxış əldə etmək üçün çalışmalıyıq ki, jurnalistlər öz
fəaliyyəti ilə məşğul olarkən problemlərdən uzaq olsunlar. Elə bir
şərait yaratmalıyıq ki, jurnalistlərin məlumatı azad əldə etməsi
üçün şərait yaransın. Jurnalistlərin vəzifəsi isə ondan ibarətdir
ki, özlərini media nümayəndəsi kimi təqdim etsinlər, keçirilən
tədbirin iştirakçısına çevrilməsinlər".