Bakıda daha bir marşrut xətti bağlandı
13 Noyabr 2012 16:07 (UTC+04:00)
Bakıda daha bir marşrut xətti bağlanıb.Qaraçuxur
qəsəbəsinə işləyən 58 saylı marşrut xətti artıq işləmir.
Həmin istiqamətdə işləyən 66 saylı marşrutun da bağlanacağı barədə
söz-söhbət var.
"Bakı Sərnişin Nəqliyyat" Departamentinin
sərnişindaşıma şöbəsinin müdiri Marlen Atayev həmin xəttin
bağlanmasını təsdiqlədi. Şöbə müdiri həmin xəttin bağlanmasını
marşurutun xırdatutumlu avtobuslardan təşkil olunması ilə
əsaslandırdı.
M.Atayev qeyd etdi ki, sərnişinlərin problemini
aradan qaldırmaq məqsədilə həmin istiqamətdə işləyən 66 saylı
marşrutun xətti uzadılıb: "58 saylı avtobus həmin xətti
təkrarlayırdı. Eyni zamanda xırdatutumlu "Mercedes" markalı
mikroavtobuslardan təşkil olunmuşdu. Ona görə də 58 saylı marşrut
ləğv edildi".
Qeyd edək ki, bir müddət əvvəl həmin istiqamətə
işləyən 161 saylı marşrut xətti də bağlanmışdı.