Siqaret beyni çürüdür?
26 Noyabr 2012 16:50 (UTC+04:00)
Movqe.Az bildirir ki, "Age and ageing"
jurnalında nəşr olunan araşdırmaya 50 yaşdan yuxarı 8800 adam
qatılıb. Londondakı "King's College"də 2004-ci ildə başlayan
araşdırmada 55 faizi qadınlardan ibarət olan iştirakçıların
sağlamlıq vəziyyətləri və həyat tərzləri ilə bağlı məlumatlar qeyd
edilib. Sonra iştirakçılardan bir dəqiqə içində yeni sözlər
öyrənmələri ya da mümkün qədər çox heyvan adı söyləmələri
istənilərək beyin funksiyaları yoxlanılıb. Eyni testlər, dörd il
ara ilə iki dəfə keçirilib. Araşdırma müddətində siqaret çəkən
insanların bacarıqlarında siqaret çəkməyənlərə nisbətən geriləmə
olduğu məlum olub. Tədqiqatçılar, siqaretin istifadəsini
qeyri-sağlam qidalanma və hərəkətsizlik kimi həyat tərzi ilə
bağlayaraq, ürək çatışmazlığı yüksək olan kəslərdə beyin
funksiyaları itkisi riskinin də yüksək olduğunu təyin edib.
Qeyri-sağlam vərdişlər arasında beyinə ən çox siqaretin zərər
verdiyini söyləyən təqdqiqatçılar, yüksək təzyiq və kökəlmə
xəstəliyinində beyinə təsir etdiyini, ancaq siqaret qədər zərərli
olmadığını vurğulayıblar. 65 yaşdan yuxarı hər üç adamdan birində
yaddaşını itirmə görüldüyünə görə, insanların sağlam qidalanaraq,
nizamlı məşq edərək, siqareti buraxaraq təzyiq və xolesterol
səviyyələrini nəzarət altında tutaraq risk dərəcələrini azalda
biləcəklərini söyləyiblər.