Badımcançiçəklilər fəsiləsindən olan pomidorun insan orqanizmi üçün saysız-hesabsız faydaları var. Tərkibi A, B, B2, B6, C, E, K, PP, beta keratin kimi vitaminlərlə yanaşı, kalium, kalsium, sink, fosfor, maqnezium və dəmirlə zəngindir. 
Antioksidant xüsusiyyətlərə malik olan pomidor infeksion xəstəliklərin qarşısını alır.

Pomidor ürək sağlamlığına da müsbət istiqamətdə təsir göstərir. O, təzyiqi və xolestrini aşağı salır. 

İnfarkt və ürək xəstəlikləri riskini azaltmaq üçün gündəlik 500 milliqram təzə sıxılmış pomidor suyu və ya 50 qr pomidor sousu qəbul etmək məsləhət görülür.

Kimyəvi tərkibinə görə aspirini xatırladan pomidor tromb əmələgəlməsinin qarşısını 72% alır, ürək-damar sisteminin işinə müsbət təsir göstərir

Ağır yük daşıma işində işləyənlərin, idmanla məşğul olanların və ya yüksək təzyiqli xəstələrdə ürək böyümə riskinin qarşısını almaq üçün səhər yeməyində bir stəkan pomidor suyu içməyi məsləhətdir.

Pomidor göz üçün də çox faydalıdır. Yüksək göz təzyiqinin düşməsinə kömək edir.

Pomidorun qabığı və tumu həzmi asanlaşdırır, qəbizliyi aradan qaldırır. Öd və böyrək daşlarının meydana gəlməsinə mane olur. Bu möcüzəvi tərəvəz döş və prostat xərçənginə də faydalıdır.  

Mədəsində xora olanlara pomidoru zeytun yağı ilə qarışdırıb yemək məsləhət görülür. Tərkibində limon və alma turşusu maddələr mübadiləsi və iştahanın artırılması üçün faydalıdır. Pomidor orqanizmi günəş şüalarının mənfi təsirindən qoruyur.1 st. pomidor şirəsi içməklə orqanizmi sutkalıq tələb olunan A və C vitaminləri ilə təmin etmək olar.

Pomidor kosmetik vasitə kimi də əvəzsiz bir məhsuldur. Belə ki,bu tərəvəz dərini cavanlaşdırır, üz dərisinə təravətlik verir, sızanaqların və çibanların meydana gəlməsinin qarşısını alır.